يولسمه بر خه

په هندو ئېزم کې ارباب الانواع او الاهې :

د کابل ناتهـ دويبپاڼې اغلو او ښاغلو لوستونکو !

تا سو د کابل ناتهـ په تېره ګڼه کې د هندو ئېزم د ارباب الانواعو او الاهو د پېژندنې په لړکې د ګور ويدا او انا پور نا په اړوند معلومات تر لاسه کړل٠ د دغو الاهو او ارباب الانواعو دپيژندنې په لړکې داځل تا سوته مايا، بلرام او مها وديا بهو و نيشواري درپيژنو :

مايا :

د مايا ادبې مانا" خيال او توهم " دی ، خو هر هغه څه چې پر واقعيت او رښتينوالي باندې ور زيات شي هغه ته هم مايا ويل کيږي٠ په هندو ميتالوجۍ کې مايا دما يا د شکتي يا ځواک او قوت په مانا ښودل شوی دی٠ مايا يو داسې شکتي يا ځواک دی لکه چې تودوخه داور سره ملګرې وي٠ د مايا کلمه له اره د سنسکرت نه اخېستلې شوې ده چې" ما" نه او يا " هغه " ته وايي ٠

په هندو فلسفه کې مايا خالص فزيکي او روحي حقيقت دی چې موږ يې هره ورځ په خپلو ورځنيو چارو کې احسا سوو٠ دهندو فيلسوف شنکر اچا ريه د وينا له مخې مايا يو مطلق حقيقت دی چې موږ يې دسر په سترګو نه شوليدلای ، خو اغېزې او تا ثيرات يې ليدلای شو٠

بلرام :

د هندو متالو جۍ پر بنسټ بلرام دکرشنا ورور ښودل شوی دی چې د ځواک او قوت، ديومنونکې زوی ، ديوه ايډيال ورور اوخاوند سمبول ګڼل کيږي٠ نوموړی خلک د شيطا ني هوسونونه ژغوري او خلکو ته واک اوا نرژي وربخښي ٠

بلرام هغه وخت د ويشنو بڼه خپله کړه کله چې ايندرا او نورار باب الانواع لارډ ويشنو ته راغلل چې دوی د متهورا دشيطان صفته واکمن کمسانه وژ غوري٠ ويل کيږي چې ويشنو د خپل سر دوه تاره ويښتان چې يو يې سپين او بل يې تور و دخپل سر نه را وايستل او ويې ويل چې دا دوه ويښتان به ددغه شيطان صفته کمسانو سره جګړه کوي٠ بلرام د دېواکي له رحم نه ه په پټه تو ګه د روهيني رحم ته لاړ د کومې نه چې نو موړی وزيږېد٠ بلرام په نوي ځوانۍ او زلميتوب کې شيطان صفته د هينو کا وواژه او دکرشنا په ملګرتيا متهورا ته لاړ او دکرشنا مرسته يې وکړه، څو شيطان صفته کمسا وژل شو٠ همداراز بلرام د کرشنا زوی" سمبا" د دريود هانا له زندانه را خوشې کړ٠

مها وديا بهو ونيشواري :

مها وديا بهو ونيشواري يوه ايډياله ټو لواکمنه يا ملکه ده او د پر ا شکتي يو ځواک ګڼل کيږي٠ هغه وخت چې براهما، ويشنو او شېوا تر منځ ددې خبرې پر سر شخړه او لانجه وه چې د دوی تر مينځ څوک ستر او د ډېر ځواک څښتن دی او خبره ډېره جدي شوه نو مها وديا ونيشواري هغوی خپل کورته بو تلل چې هلته هغوی خپل ځانونه ددريو مېرمنوپه بڼه ولېدل چې دنړۍ د پيدايښت، ساتنې او ورانولو دندې يې پر غاړه اخيستلې٠په دې توګه دغه ستونزمنه لانجه اواره شوه، ځکه د هريوه کار معلوم و چې بايد څه وکړي٠

بهو وديا و نيشواري د لسو مها وديا وو اوپوهانو په ډله کې شمېر له کيږي چې پاتې نهه يې کالي، تارا، شادوشي، بهيروي،چينا مستا،دو ماوتي،مستنګي، کمهلا او بګلا مو کهي دي٠