کابل ناتهـ، Kabulnath
نه جام، نه څادر د اسحاق ننگیال شعر
څوتور سرې
څو سپين سرې
«يو څو اوښې»
«څوپسونه»
څه غريب ستړى كاروان دى؟
باد راوړې پاڼې رېږدي.
***
لمبو پر سر اخيستى «قاف»
ښاپېرۍ شوې مسا پرې
خداى خبر دى چې به دمه
بيا پر كومو غرونو كيږدي؟
څنګه ړنګې ميكدې دي
څنګه ښكلې شونډې سوځي
جانه بيا به دې ساقي شم
«كه مې غم د ډوډۍ پرېږدي»
نه تړانګې د كيږدۍ شته
نه څپلۍ، نه څادرونه
لوټوي د جام ناموس مې
پر شهيدې پګړۍ پښې ږدي.
څو تور سرې
« څو پسونه »
څه غريب، ستړى كاروان دى؟
١٣٧٢ / ٧ /٢٩
كابل
بالا
دروازهً کابل
شمارهء مسلسل ۱۵۸ سال هفتم قوس/جدی ۱۳٩٠ هجری خورشیدی ۱۶ دسمبر ٢٠۱۱ عیسوی
