کابل ناتهـ، Kabulnath
هسي دروغ ده
لا سپرلى نه دى راغلې
لا د سوړ ژمي له کړنګه
غاټول خاورو دى خوړلې
لا د تورى شپې په زړه کې
سهار پروت دى لکه مړې
....................
هسى دروغ ده
لا کوچى ساړه سوېلي کا
د اېلبند په ارمان ناست دى
رب ته سوال د پسرلي کا
لا کېږدۍ د اور ده وږي
په کې پروت سوړ نغرى دى
لا کوچۍ د اوبو تږي
مات يې زړه مات يې منګى دى
د اېلبند لاره ترې ورکه
ګام په ګام اغزى اغزى دى
دښته وچه ده غر وچ دى
سپېره باد پرې لګېدلې
لا سپرلې نه دې راغلې
..............
لا شپېلۍ د شپانه ګونګه
ورته غرونه ګډا نه کا
لا سپوږمۍ ورېځو کې ډوبه
تته تته ، رڼا نه کا
لا مې څانګو کې د ونو
ځالې تشي له مرغيو
لا مې بڼ کې د ګلونو
ځاى نيولې دى اغزيو
په کې شور او غوغا نشته
چغار ورک د توتکيو
د بهار وږمه ويده ده
خوب يې نه دى تښتېدلې
پوهنمل ر. ځواکمن
بالا
دروازهً کابل
شمارهء مسلسل ۱٤۱ سال هفتم حمـــل ۱۳۸٩ خورشیدی مارچ ٢٠۱۱
